رعــــــــش قــــــلــــــــبي

مــنـتـديات رعــش قــلــبي
 
الرئيسيةاليوميةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 خآنتني.والشويب النشبة===>لما تفك ماحتسك

اذهب الى الأسفل 
كاتب الموضوعرسالة
خآنتني دموعي
نائب مدير العام
نائب مدير العام
avatar

عدد الرسائل : 64
تاريخ التسجيل : 07/07/2007

مُساهمةموضوع: خآنتني.والشويب النشبة===>لما تفك ماحتسك   الثلاثاء يوليو 10, 2007 3:50 pm


بسم الله الرحمن الرحيم

السلامو عليكم سلام يرفس سلام هع هع هع..

تحية مقدمه مع خآنتني والحب الشمسي وكل انواع التقشيم ===>ابو اللي علمك شلوون تسوي مقدمه هههههههههههههههههههههههههههاي

نوووخش بالماضووع:

في يوم من الايام عقب صلاة الاخير ( العشاء ) كنت واقف عند أحد الاشارات بالرياض

واسمع كاظم وهو يقول


يزعل مني ويبعد عني وبعد شويه تشوفه يحظني
يبوس راسي وايدي وخدي الله كم طيب وحنون

ومادريت الا شايب فتح الباب ورزح على المرتبه
ناظرته باستغراب : خير ان شاء الله فيه شيء ياعم؟؟!!

قال : ابروح معك
ولعت الاشاره وما أمداني اشوف وش موضوعه لان العالم وراي بدوا يضربون بواري ( تخبرون ربعنا مايواطنون شي اسمه الصبر والتروي )

عقب مامشينا سالته : وين تبي ياعم؟
قال : آها بس وصلني قدام ولايكثر
بصراحه حقدت عليه وودي ابرمه ببوقس يقض وجهه لكني احترمت كبر سنه سنه والا ضرسه؟
ضاق صدري من هالشايب اللزقه اللي ماعنده اسلوب واتيكيت .. الظاهر ان اهله ماربوه يومنه صغير <== التعبير دماااااار

التفت عليه بوجه مبتسم وبكل لطف وموده سالته : ماتعرفنا عليك ياعم؟
رد بزعل : ناظر دربك بس ولا تكثر قرقرتك

هذا والله النشبه .. الحين لازقن بي ويأمر وينهي تقل اصغر عياله !!!!!!!!

مره ثانيه نويت اصبخه باحد الاشرطه لكن تذكرت كبر سنه سنه والا بدعه؟ <<مو وقته انت وخشتك

طول الخط وهو مغير يأمر وينهى ويزمر .. كل شوي ناطن بحلقي ومقلق راحتي اذا قربت للموتر اللي قدامي نقز تقل مقروص : انتبه انتبه لا تصطدم واذا اسرعت قال : ارفق ارفق .. وراك طاير تقل ملحوق ؟!

بصراحه دبل تسبدي وفقع مرارتي وجابلي الصمرقع ..

حسيت ان المسأله تبي تطول وبديت اخرج من طوري : وين محلك يا الطيب ؟

قال : وراك انت ابلشتني ؟! ياكثر اسئلتك

أنا : .. ياناس ياعالم وقسم بالله ماسويت شيء وش هالعقوبه ذا؟!!

حقدت عليه بقووووه ونويت له شر .. وقلت بيني وبين نفسي دواك عندي يابن اللذينا


مرت لحظات صمت رهيبه كان يجول بخاطري هاجس الشر
كان يجول بخاطري هاجس الشر وشيطان السوء يأزني وقررت ان يكون الانتقام كبيرا بحجم هذه المصيبه التي بليت بهاياخآنتني <== وراء الهرج تغير؟! هذا من زود الزعل والغبنه صرت اهرج لغه عربيه فصحى
ولعت لمبه فوق راسي مثل حقات افلام كرتون كنايه عن وجود فكره .. تذكرت حي للتفحيط يجتمع به الدشير والسلق اللي ماوراهم شغل ولا مشغله الا التفحيط والاستعراض ===>طلع منها هع هع هع هع هع

طقيت اللطمه ورجعت ظهري على المرتبه ومسكت الطاره مضبوووط ودزيت الموتر لشارع التفحيط ودوووووووس يا خآنتني
80


90

100

120
130
140
150
160
170
180 وكل بين سرعه وسرعه التفت على الشويب وانا عاضن على سنوني من القهر واساله وشلونك ياعم؟
ويرد وهو قاط راسه على باب الراكب : طيب ولله الحمد

ثم اردد بيني وبين نفسي : نشوف عقب شوي وشلون يصير وضعك يحلفون ان تعاف اليوم اللي ركبت مع خآنتني

مشينا فتره وتعدينا الديره والبيوت والعمران ، يوم شاف الدنيا اظلمت والخط طال التفت علي وهو يتنافض : وين تبي توديني ؟؟؟!!
أبي أمي أبي اهلي ... لا تضيع مستقبلي واللي يرحم والديك <== من الروعه بدأ يقط خيط وخيط

أي مستقبل الله يعظم اجرك وانت مالك الا سن واحد بفمك

اها اسكت ولا يكثر <== صرت انا اللي أهاوشه .. ياشين الانتقام

اقبلنا على شارع التفحيط وكانت فيه أمة محمد مجتمعه والشباب انووواع الاستعراض .. كنت دايس على الموتر وكاتمن ام الدعسه .. يوم شاف العالم والشباب فتح الدريشه وطلع راسه وقعد يصارخ
الحقوووووووونى يا الاجوااااااااااااااد

الشباب يحسبونه يستهبل ويسوي حركات ويظنون اننا نبي نفحط خصوصا واني مسرررع بالحيل

يوم شفت الوضع تسذا قلت خل نكمل السيناريو ونندمج مع الوضع على سرعتي حذفت الموتر حذفه طووووويله وما تسمع الا ونين الكفرات عقب النطله الاولى لحقته بالنطله الثانيه وكانت اقوى من الاولى

الشويب مع الحذفه الاولى صك بالقزازه ومع الثانيه مارده الا القير
عقب الحذفتين الطواااال لحقتهن بثنتين مثلهن ثم ختمت الدعوى بعقده يحبها قلبك <== اخلص

ما امداني اعدل الموتر الا والشويب طايحن عند دعاسات الرجلين ناظرته وانا اضحك ضحكة سخريه ولسان حالي يقول : وين هرجك قبل شوي ؟! بدرى تو الناس مابعد شفت شي القادم احلى


العالم بدوا يشجعون ويرمون شمغهم واللي يصفق واللي يصفر واللي يقول : عااااشت ايامك يا خآنتني

عقب ماشفت هالاشياء ازداد عندي هرمون الزعاطه واختلط مع هرمون البزعه نويت ابدأ الشوط الثاني وشقعت وجه الموتر ودست على والديه
20

30

40

50
60
100
120
130
140
160

تعنقط براسي

لكن وشو عقبه .. طلع الموضوع من ايدي

حذفت الموتر على سرعته 160 ومير يرجع لمحله ويصبخ بباب الراكب ومع الحذفه الثانيه عض المرتبه من الخوف والثالثه والرابعه قعد يصارخ ويصيح وبالاخير طبقت حركة الموت ===>ماراح ينساها الشويب

الشويب ماصدق ان الموتر يهجد ومير يفتح الباب وقال اصبر اصبر ابنزل ابنزل

وقفت على جنب ونزل يركض واشوفه نزل راسه بالارض والظاهر انه استفرغ....

ضحكت ضحكة عاليه وبصوت مرتفع كنايه عن الانتصار وعشقت بالاول وكملت المسيره

الله العالم انه نشب بواحد من هالشباب علشان يوصله وجعله يطيح بواحدن ذيب يعلمه ان الله حق
مايستفاد من القصه :

1/ اذا وقفت عند الاشارات قفل بيبان موترك علشان مايركب معك شايب .
2/ ان قدر الله ونسيت تقفلهن الله يعينك على تحمل المفاجأت .
3 / ان نفخ عليك شايب ماتعرفه رد له الصاع صاعين .
4 / احفظلك شارع تفحيط لانك في يوم من الايام تبي تحتاجه .
5 / حاول انك تتعلم كم حركة تفحيط ربما تضطر لاستخدامهن .
6 / ما الذ الانتقام اذا كان من شخص ظالمك .
7/ من يضحك اخيرا شعار يجب ان تضعه نصب عينيك دائما .
8 / تواضع عند الفوز وابتسم عند الهزيمه شعار شله من مخك بل اضحك ضحكة الانتصار وبصوت مرتفع علشان تقهر الاعداء .
وشوكرن لحسن استماعكم ..

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملحوس
رعش قـلبيـ
رعش قـلبيـ
avatar

عدد الرسائل : 35
تاريخ التسجيل : 09/07/2007

مُساهمةموضوع: رد: خآنتني.والشويب النشبة===>لما تفك ماحتسك   الأربعاء يوليو 11, 2007 10:14 am

ههههههههههههههههههههههههه
والله كفوووووووووو الي سويته بالشااايب
والله فكره كل ما قال جدي ودي اروح اقرب شارع تفحيطTwisted Evil
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خآنتني دموعي
نائب مدير العام
نائب مدير العام
avatar

عدد الرسائل : 64
تاريخ التسجيل : 07/07/2007

مُساهمةموضوع: رد: خآنتني.والشويب النشبة===>لما تفك ماحتسك   الخميس يوليو 12, 2007 12:02 am

[size=24]<<< نائب مدير عام مصرقع ما تجي هع


يسلمووو ما تقصر والله[/size]

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ولـــد نـــجـــد
مدير عام
مدير عام
avatar

عدد الرسائل : 45
تاريخ التسجيل : 07/07/2007

مُساهمةموضوع: رد: خآنتني.والشويب النشبة===>لما تفك ماحتسك   الخميس يوليو 12, 2007 4:09 pm

ههههههههههههههههههههه
والله نشبلك الشايب بس الي كفو الي سويته فيه
مشكور على الموضوع خاصه ما يستفاد من القصه

تحياتي.....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://r-ash.ahlamontada.com
خآنتني دموعي
نائب مدير العام
نائب مدير العام
avatar

عدد الرسائل : 64
تاريخ التسجيل : 07/07/2007

مُساهمةموضوع: رد: خآنتني.والشويب النشبة===>لما تفك ماحتسك   الخميس يوليو 12, 2007 6:29 pm

هههههههههههههههههههههه


يسلمو على ردك

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مغالي النصر
رعش قـلبيـ
رعش قـلبيـ


عدد الرسائل : 24
تاريخ التسجيل : 31/10/2007

مُساهمةموضوع: رد: خآنتني.والشويب النشبة===>لما تفك ماحتسك   السبت نوفمبر 03, 2007 7:07 am

ههههههههههههههههه حسبي الله على ابليسك

بس والله شي غريب

والله وطلعت منت هين تبي الحقيقه

خخخخخخخخخ خفت منك بصراحه

تخووووووووووف الله يهداك يعني حرام مهما

كان هو شايب خخخخخخخ مسكين

ويااااااااااحليلك فاتني الموقف

الله يسلمك ويحقق لك كل اللي تبي

تقبل مرور غــــــــــــلوو أخوكـ ياخوي

باي @
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
خآنتني.والشويب النشبة===>لما تفك ماحتسك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رعــــــــش قــــــلــــــــبي :: *·~-.¸¸,.-~*المــــنــــتـــد يــــات الـــتـــرفـــهــيــه*·~-.¸¸,.-~* :: &منتدى الصرقعه والقرقعه&-
انتقل الى: